અમેરિકાની અવકાશી સંસ્થા નાસા દ્વારા ઈન્ટરનેશનલ સ્પેસ સ્ટેશનને વર્ષ 2030ના અંત સુધીમાં રિટાયર કરી દેવામાં આવશે.વર્ષ 2000ની સાલમાં આ સ્પેસ સ્ટેશનને લોન્ચ કરવામાં આવ્યુ હતુ.ત્યારે વર્તમાનમાં તે ધરતથી 227 નોટિકલ માઈલ ઉપર ભ્રમણકક્ષામાં છે અને 19 દેશોના 200થી વધુ અવકાશયાત્રીઓ તેમાં રોકાણ કરી ચુકયા છે.ખાનગી વિભાગ નાણાકીય રીતે અને ટેકનોલોજીની દ્રષ્ટિએ વ્યાપારિક સ્પેસ સ્ટેશન બનાવવા માટે સક્ષમ છે અને નાસા પણ તેમાં મદદ કરશે.ઈન્ટરનેશનલ સ્પેસ સ્ટેશનને રિટાયર કરવાના ભાગરૂપે આ સ્પેસ સ્ટેશનને પ્રશાંત મહાસાગરના દક્ષિણ વિસ્તારમાં પાડી દેવામાં આવશે.આ વિસ્તાર પોઈન્ટ નેમો તરીકે ઓળખાય છે.જેના માટે જાન્યુઆરી 2031નો સમય નક્કી કરવામાં આવ્યો છે.આમ પોઈન્ટ નેમો ધરતીથી સૌથી દુર આવેલો હિસ્સો છે.જે ન્યૂઝીલેન્ડના પૂર્વીય કાંઠાથી 3000 માઈલ દુર છે અને ઇસ.1971થી લઈને આજસુધીમા રશિયા,જાપાન,અમેરિકા તેમજ યુરોપિયન દેશોના 263 જેટલા અવકાશયાનને આ હિસ્સામાં તોડી પાડવામાં આવ્યા છે.ઇસ.2014માં અવકાશમાં પ્રથમ થ્રીડી પ્રિન્ટિંગ સ્પેશ સ્ટેશનમાં થયુ હતુ.2016માં નાસાના ખગોળશાસ્ત્રી કેટ રૂબીન્સે પ્રથમ વખત ડીએનએ સીક્વન્સિંગ કર્યુ હતુ.આ સિવાય સ્પેસ સ્ટેશન પર શાકભાજી ઉગાડવાનો પ્રયોગ પણ સફળતાપૂર્વક થઈ ચુકયો છે.બીજીતરફ રશિયા સ્પેશ સ્ટેશન પ્રોજેકટમાંથી વર્ષ 2025માં નીકળી જશે.ત્યારબાદ રશિયા પોતાનુ સ્પેશ સ્ટેશન લોન્ચ કરવાનુ પ્લાનિંગ કરી રહ્યુ છે.
