દેશના કેટલાક રાજ્યોમાં લોકડાઉન અનલોકની પ્રક્રિયા શરૂ કરાઇ છે.ત્યારે દેશના કેટલાક રાજ્યોમાં પ્રતિબંધો છે.એવામાં હરિયાણામાં લોકડાઉન લંબાવવાનું નક્કી કરાયું છે.જેમાં મુખ્યમંત્રી મનોહરલાલ ખટ્ટરે જાહેરાત કરી છે કે હરિયાણામાં આગામી 7 જૂન સુધી લોકડાઉન લંબાવવામાં આવ્યું છે.ત્યારે હવે રાજ્યમાં દુકાનો સવારે 9 થી 3 વાગ્યા સુધી ખુલ્લી રહેશે.જેમાં દુકાનદારો ઓડ-ઇવનનું પાલન કરશે.આમ શિક્ષણ સંસ્થાઓની વાત કરવામાં આવે તો તેમા આગામી 15 જૂન સુધી તમામ શિક્ષણ સંસ્થા બંધ રહેશે.આ દરમિયાન નાઇટ કર્ફ્યૂ પણ ચાલુ રહેશે.જ્યારે રાત્રે 10 થી સવારના 5 વાગ્યા સુધી નાઇટ કર્ફ્યુનું પાલન કરવાનું રહેશે.
આમ હરિયાણા સરકાર પણ કોરોના મહામારીમાં માતા-પિતા ગુમાવનારા બાળકોના પાલન-પોષણને લઇને યોજના લઇને આવી છે.જે બાબતે સીએમએ કહ્યુ હતું કે હરિયાણામાં કોરોના મહામારીને કારણે માતા-પિતા ગુમાવનારા બાળકોના પાલન પોષણ માટે આર્થિક સહાયતા મુખ્યમંત્રી બાળસેવા યોજના હેઠળ આપવામાં આવશે.આ યોજના હેઠળ કોરોનાને લીધે માતા-પિતા ગુમાવનારા 18 વર્ષથી ઓછી ઉંમરના બાળકોને સહાયતા કરાશે.આ અંતર્ગત સંભાળ દરમિયાન બાળકો માટે નાણાકીય સહાય,કિશોરવયની છોકરીઓ માટે સંસ્થાકીય સંભાળ અને શિક્ષણ,દિકરીઓને લગ્ન પર સહાય આપવાની જોગવાઇ પણ છે.
