ઈંગ્લેન્ડના પૂર્વ કેપ્ટન રે.ઈલિંગવર્થનું 89 વર્ષની ઉંમરે અવસાન થયું છે. રે.ઈલિંગવર્થ ઘણાં લાંબા સમયથી કેન્સરનો સામનો કરી રહ્યા હતા. આ ઓફ સ્પિન ઓલરાઉન્ડરે પોતાની કરિયરની શરૂઆત ઇસ.1951માં ફર્સ્ટ ક્લાસ ક્રિકેટથી કરી હતી. તે સમયે તેમની ઉંમર 19 વર્ષ હતી. ઈલિંગવર્થ ફર્સ્ટ ક્લાસ ક્રિકેટમાં 787 મેચ રમ્યા હતા. જેમાં તેમણે 24,143 રન સાથે 2,072 વિકેટ લીધી હતી. ઈલિંગવર્થે પોતાની કેપ્ટનશિપમાં યોર્કશાયર ટીમને સતત 3 વખત કાઉન્ટી ચેમ્પિયન બનાવી હતી.આ ખેલાડી ઇસ.1958થી 1973 સુધી ઈંગ્લેન્ડ માટે ક્રિકેટ રમ્યા. આ દરમિયાન તેઓ 61 ટેસ્ટ અને 3 વનડે મેચ રમ્યા હતા. જેમાં ઈલિંગવર્થે ટેસ્ટમાં 1836 રન બનાવ્યા અને 122 વિકેટ લીધી. વનડેમાં તેમણે 2 પારીમાં 5 રન બનાવ્યા,પરંતુ 4 વિકેટ લીધી હતી. આ સિવાય તેમણે પોતાની કેપ્ટનશિપમાં ઇસ.1970/71ની એશેજ સીરિઝમાં શાનદાર 2-0થી વિજય અપાવ્યો હતો.આમ તેઓએ ઇસ.1995-96માં ઈંગ્લેન્ડ ટીમનું કોચિંગ પણ કર્યું હતું. તે સિવાય ઈલિંગવર્થ ઇસ.1994 અને 1996માં સિલેક્ટર્સના ચેરમેન પણ રહી ચુક્યા હતા.
