અરૂણાચલ પ્રદેશના સરહદી વિસ્તારોમાં પેટ્રોલિંગ દરમિયાન સેનાના સાત જવાનો હિમસ્ખલનમાં ફસાઇને લાપતા થઇ ગયા છે.ત્યારે તેમણે શોધવા અને બચાવવા માટે વિશેષ ટીમો બોલાવવામાં આવી છે.ત્યારે સેનાએ જણાવ્યું હતું કે આ ઘટના રાજ્યના કામેંગ સેક્ટરમાં ઉંચાઇવાળા વિસ્તારમાં બની હતી.જેમાં જવાનો સરહદી વિસ્તારોમાં પેટ્રોલિંગ કરી રહ્યાં હતા.ત્યારે અચાનક હિમસ્ખલન થતાં તેઓ ફસાઇ ગયા હતાં.આમ આ ઘટનાની જાણ થતા જ સેનાએ શોધખોળ અને બચાવ અભિયાન શરૂ કરી દીધું છે.જવાનોને શોધવાના પ્રયત્નો કરવામાં આવી રહ્યા છે.બચાવ માટે વિશેષ પ્રકારની ટીમોને બહારથી બોલાવવામાં આવી છે.સેનાના જણાવ્યા અનુસાર છેલ્લા કેટલાક દિવસોથી આ વિસ્તારમાં હવામાન ખૂબ જ ખરાબ છે.ભારે હિમપ્રપાત થઇ રહ્યો છે.ભારતીય સેનાની પૂર્વ કમાન આ ક્ષેત્રમાં 1346 કિમી લાંબી એલએસીની સુરક્ષા કરે છે. આ દરમિયાન ભારતીય હવામાન વિભાગે આગાહી કરી છે કે વેસ્ટર્ન ડિસ્ટર્બન્સને કારણે આગામી બે દિવસ ઉત્તર-પશ્ચિમ ભારતમાં વરસાદ અને બરફવર્ષા ચાલુ રહેશે.
