ભારતીય ટીમના પૂર્વ કેપ્ટન મહેન્દ્રસિંહ ધોનીની બાયોપિક હીટ પૂરવાર થઈ હતી. જે ફિલ્મને લોકોએ પસંદ કરી હતી. ત્યારબાદ આવનારા સમયમાં ટીમ ઈન્ડિયાના પૂર્વ કેપ્ટન અને વર્તમાન ભારતીય ક્રિકેટ કંટ્રોલ બોર્ડના અધ્યક્ષ સૌરવ ગાંગુલીની પણ બાયોપિક બનવા જઈ રહી છે. જે ફિલ્મની જાહેરાત કરી દેવામાં આવી છે. જે બાબતે ફિલ્મ નિર્માતા લવ રંજને કહ્યુ હતુ કે સૌરવ ગાંગુલીની બાયોપિકની જાહેરાત કરતા ખુશી થઈ રહી છે. સૌરવ ગાંગુલી ભારતીય ટીમના લોકપ્રિય કેપ્ટન પૈકીના એક છે ત્યારે સૌરવનો રોલ કયો અભિનેતા કરશે તે જોવુ રસપ્રદ રહેશે. આમ આ અગાઉ લવ રંજન સોનુ કે ટીટૂ કી સ્વીટી,દે દે પ્યાર દે,મલંગ જેવી સફળ ફિલ્મો બનાવી ચુકયા છે. ત્યારે તેઓ હવે સૌરવ ગાંગુલીના બાયોપિકને પણ પ્રોડ્યુસ કરી રહ્યા હોવાથી ક્રિકેટ ચાહકોને મોટા પરદા પર આ ફિલ્મ રિલિઝ ક્યારે થાય છે તે જાણવાની ઉત્સુકતા રહેશે.
