દેશની રાજધાની દિલ્હીમાં વેક્સિનેશનની ઝડપ વધારવામાં આવી રહી છે.ત્યારે દિલ્હીના મુખ્યમંત્રી અરવિંદ કેજરીવાલે જણાવ્યુ હતું કે જો કેન્દ્ર તરફથી સતત વેક્સિન મળતી રહેશે તો 45 વર્ષથી વધુ ઉંમરના લોકોને 1 મહિનામાં વેક્સિન આપી દેવામાં આવશે.આમ તેમના કહેવા પ્રમાણે 45 વર્ષ કરતા વધુ ઉંમરના લોકોના સેન્ટર્સ પર ઓછા લોકો આવી રહ્યા છે.ત્યારે દિલ્હી સરકાર લોકોના ઘરે-ઘરે જઈને વેક્સિનેશન માટે વિનંતી કરશે.આ સિવાય લોકોને પોલિંગ સેન્ટર્સ પર જ વેક્સિનેશનની સુવિધા આપશે.જેથી લોકોને વેક્સિન લેવામાં કોઈ મુશ્કેલી ન પડે.આમ આ પ્રક્રિયા શરૂઆતમાં 70 વોર્ડમાં શરૂ કરવામાં આવશે.જેમાં પ્રતિ સપ્તાહ અભિયાન ચલાવવામાં આવશે.આમ 4 સપ્તાહમાં અભિયાન શરૂ કરવાનો પ્રયત્ન છે.જેમાં બૂથ લેવલ ઓફિસર્સ લોકોના ઘરે જશે 45 પ્લસવાળા લોકો અંગે પુછશે અને વેક્સિન અપાવશે.આમ જો કોઈને વેક્સિન ન મળી હોય તો ઓફિસર તેમને સ્લોટ આપીને આવશે.આમ પોલિંગ બૂથ ઓફિસર આગામી 2 દિવસ પોતપોતાના બૂથના ઘરોમાં જશે અને આગામી 2 દિવસના સ્લોટ આપીને આવશે અને પછી બધાને વેક્સિન આપશે.જેમાં દરેક સપ્તાહે આ પ્રક્રિયા ચાલશે.જેમાં 4 સપ્તાહમાં બધા લોકોને કવર કરી લેવામાં આવશે.
